50. Teri Rehmatoon ka Darya تیری رحمتوں کا دریا

تیری رحمتوں کا دریا سر عام چل رہا ہے 

مجھے بھیک مل رہی ہے میرا کام چل رہا ہے

میرے دل کی دھڑکنوں میں ہے شریک نام تیرا 

اسی نام کی بدولت میرا نام چل رہا ہے

یہ کرم ہے خاص تیرا کہ سفینہ زندگی کا 

کبھی صبح چل رہا ہے کبھی شام چل رہا ہے

تیری مستیء نظر سے ہے بہار مے کدے میں 

وہی مے برس رہی ہے وہی جام چل رہا ہے

سر عرش نام تیرا سر عرش بات تیری 

کہیں بات چل رہی ہے کہیں نام چل رہا ہے

اسے مانتی ہے دنیا اسے ڈھونڈتی ہے منزل 

رہِ عشق مصطفٰیﷺپے جو غلام چل رہا ہے

میرے دامن گدائی میں ہے بھیک مصطفی ﷺکی 

اسی بھیک پر تو قاسمؔ میرا کام چل رہا ہے