35. Panjtan ka Ghulam میں تو پنجتن کا

میں تو پنجتن کا غلام ہوں میں مرید خیرالانام ہوں

مجھے عشق ہے تو خدا سے ہے مجھے عشق ہے تو رسول ﷺسے

یہ کرم ہے حبِ بتول کا میرے منہ سے آئے مہک سدا

جو میں نام لوں تیرا جھوم کے

مجھے عشق سروسمن سے ہے مجھے عشق سارے چمن سے ہے

مجھے عشق ان کے وطن سے ہے مجھے عشق ان کی گلی سے ہے 

مجھے عشق ہے تو علیؑ سے ہے مجھے عشق ہے تو حسنؑ سے ہے

مجھے عشق ہے تو حسینؑ سے مجھے عشق شاہِ زمن سے ہے

ہوا کیسے تن سے وہ سر جدا جہاں عشق ہو وہیں کربلا

میری بات انہی کی بات ہے میرے سامنے وہی ذات ہے

وہی جن کو شیر خدا کہیں جنہیں باب صل علیٰ کہیں

وہی جن کو آل نبی کہیں وہی جن کوذات علیؑ کہیں

وہی پختہ ہیں میں تو خام ہوں 

میرا شعر کیا میرا ذکر کیا میری بات کیا میری فکر کیا

میری بات ان کے سبب سے ہے میرا شعر ان کے ادب سے ہے

میرا ذکر ان کے طفیل سے میری فکر ان کے طفیل سے

کہاں مجھ میں اتنی سکت بھلا کہ ہو منقبت کا بھی حق ادا